కమ్యూనిస్టు పార్టీల్లో యువత దూరం: అంతర్గత చర్చలు మొదలు

తెలుగు రాష్ట్రాల్లో కమ్యూనిస్టు పార్టీల్లో యువత దూరం అవుతున్నారు. ఈ విషయంపై సిపిఎం, సిపిఐ పార్టీల్లో అంతర్గత సమాలోచనలు జరుగుతున్నాయి.

ఒకప్పుడు విద్యార్థి సమస్యలపై ధర్నాలు, బంద్ లు నిర్వహించిన సిపిఎం, సిపిఐ విద్యార్థి విభాగాలు ఇప్పుడు పెద్దగా స్పందించడం లేదు. యువతను ఆకర్షించలేకపోతున్నామని ఆ పార్టీల వర్గాలే గుర్తిస్తున్నాయి.

రిక్రూట్మెంట్ తగ్గిపోవడం, యువతను ఆకర్షించే కార్యక్రమాలు చేయకపోవడం వంటి కారణాలతో ఈ పార్టీలకు యూత్ దూరం అయినట్లు కనిపిస్తోంది. ఇటీవల నీట్, ఫీజు రీయింబర్స్మెంట్ వంటి విద్యార్థి సమస్యలపై కాంగ్రెస్ ప్రభుత్వం స్పందించగా, సిపిఐ, సిపిఎం నుంచి పెద్దగా స్పందన లేదన్న ఆరోపణలు వచ్చాయి.

యువతతో కనెక్ట్ అవ్వడానికి కొత్త పద్ధతిలో ముందుకు సాగాల్సిన అవసరం ఉందని లెఫ్ట్ పార్టీల నేతలు అంటున్నారు. ఈ గ్యాప్ కారణాలపై లోతైన చర్చలు కొనసాగుతున్నాయి.