తుంగతుర్తి కాంగ్రెస్ వర్గపోరు: నివేదిక బాధ్యత జగ్గారెడ్డికి

తుంగతుర్తి నియోజకవర్గంలో కాంగ్రెస్ పార్టీలో వర్గపోరు మరింత తీవ్రమైంది. ఎమ్మెల్యే మందుల సామెల్, ఎంపీ చామల కిరణ్ కుమార్ రెడ్డి వర్గాల మధ్య వివాదం గాంధీ భవన్ వరకు చేరింది. ఇరు వర్గాల మధ్య ఘర్షణ వాతావరణం నెలకొన్న నేపథ్యంలో పార్టీ అధిష్టానం స్పందించింది.

ఈ వివాదంపై నివేదిక ఇవ్వాలని టీపీసీసీ వర్కింగ్ ప్రెసిడెంట్ జగ్గారెడ్డికి బాధ్యత అప్పగించారు. మధ్యాహ్నం 12 గంటలకు జగ్గారెడ్డిని ఎమ్మెల్యే మందుల సామెల్ కలిసి వివరణ ఇవ్వనున్నారు.

ఇటీవలే గాంధీ భవన్ ముట్టడికి సంబంధించిన ఘటనపై కూడా జగ్గారెడ్డి ఇరువర్గాల నుంచి వివరణ తీసుకుని పార్టీ అధిష్టానానికి నివేదిక సమర్పించనున్నారు. పార్టీలో వలస నేతలకు ప్రాధాన్యత ఇస్తున్నారనే అసంతృప్తి ఈ వివాదానికి కారణమని కాంగ్రెస్ వర్గాలు తెలియజేస్తున్నాయి.