బీహార్, మధ్యప్రదేశ్, గుజరాత్ అసెంబ్లీ ఉప ఎన్నికల ఓట్ల లెక్కింపు కొనసాగింపు

బీహార్, మధ్యప్రదేశ్, గుజరాత్ రాష్ట్రాల్లో అసెంబ్లీ ఉప ఎన్నికల కౌంటింగ్ కొనసాగుతోంది. మూడు స్థానాలకు జరిగిన ఎన్నికల ఫలితాలు మరికొన్ని గంటల్లో వెలువడతాయని అధికారులు తెలిపారు.

బీహార్‌లోని బంకీపూర్ నియోజకవర్గంలో బీజేపీ జాతీయ అధ్యక్షుడు నితిన్ నవీన్ రాజ్యసభకు ఎన్నికైన తర్వాత ఖాళీ అయిన స్థానానికి ఉప ఎన్నిక జరిగింది. ఈ నియోజకవర్గంలో బీజేపీ ఇప్పటివరకు ఒక్కసారి కూడా ఓడిపోలేదు. బీజేపీ నుంచి యువమోర్చా నేత నీరజ్ కుమార్ సింగ్ పోటీ చేస్తున్నారు. ప్రముఖ రాజకీయ వ్యూహకర్త ప్రశాంత్ కిషోర్ తొలిసారి ప్రత్యక్ష ఎన్నికల బరిలోకి దిగడం ఆసక్తికరంగా మారింది.

మధ్యప్రదేశ్‌లోని దాతియా నియోజకవర్గంలో కాంగ్రెస్ ఎమ్మెల్యే రాజేంద్ర భారతి అనర్హత వేటుతో ఉప ఎన్నిక నిర్వహించారు. బీజేపీ తరపున తొలిసారి అసెంబ్లీ ఎన్నికల్లో పోటీ చేస్తున్న అశుతోష్ తివారి, కాంగ్రెస్ మాజీ ఎమ్మెల్యే ఘనశ్యాం సింగ్ మధ్య పోటీ ఉంది.

గుజరాత్‌లోని మంజల్పూర్ నియోజకవర్గంలో బీజేపీ నేత యోగేష్ భాయ పటేల్ మరణంతో ఖాళీ అయిన స్థానానికి ఉప ఎన్నిక జరిగింది. బీజేపీకి చెందిన సతీష్ గోవింద్ భాయ పటేల్, కాంగ్రెస్ మాజీ మంత్రి బికాబాయి రబారిల మధ్య పోటీ జరుగుతోంది.