క్రెడిట్ కార్డుతో అద్దె చెల్లిస్తే ఫీజు, క్రెడిట్ స్కోర్ ప్రభావం

క్రెడిట్ కార్డుతో అద్దె చెల్లించేవారు ప్రాసెసింగ్ ఫీజు, అధిక వడ్డీ, క్రెడిట్ స్కోర్ తగ్గుదల వంటి నష్టాలను ఎదుర్కోవచ్చు.

కొన్ని యాప్స్ అద్దె చెల్లింపుపై 1 నుంచి 2 శాతం ప్రాసెసింగ్ ఫీజు వసూలు చేస్తాయి. ఉదాహరణకు నెలకు రూ.30,000 అద్దెపై 2% ఫీజు అంటే రూ.600 చెల్లించాలి. ఏడాదికి ఇది రూ.7,200 అవుతుంది. ఈ ఫీజు రివార్డ్ పాయింట్ల ద్వారా వచ్చే ప్రయోజనం కంటే ఎక్కువగా ఉండొచ్చు.

క్రెడిట్ లిమిట్‌లో ఎంత వాడుతున్నారనేది క్రెడిట్ స్కోర్‌పై ప్రభావం చూపుతుంది. లక్ష రూపాయల లిమిట్ ఉంటే, అందులో రూ.40,000 అద్దెకు వాడితే క్రెడిట్ యూటిలైజేషన్ 40% అవుతుంది. ఇది ఎక్కువగా కనిపించి క్రెడిట్ స్కోర్ తగ్గడానికి కారణం కావచ్చు.

క్రెడిట్ కార్డు బిల్లు మొత్తం కాకుండా మినిమం అమౌంట్ మాత్రమే చెల్లిస్తే వడ్డీ పడుతుంది. క్రెడిట్ కార్డులపై వడ్డీ రేట్లు ఏడాదికి 36 నుంచి 45 శాతం వరకు ఉంటాయి. సాధారణంగా క్రెడిట్ కార్డు బిల్లుపై 45 నుంచి 50 రోజుల వడ్డీ లేని గడువు ఉంటుంది. అయితే కొన్ని కార్డులు అద్దె చెల్లింపును cash advance గా పరిగణిస్తాయి. అలాంటప్పుడు వడ్డీ లేని గడువు వర్తించకపోవచ్చు. అద్దె చెల్లించిన రోజు నుంచే వడ్డీ పడే అవకాశం ఉంది.