అర్ణబ్ తుఫాన్ ప్రభావం: ఒడిశాలో భారీ వర్షాలు, గంటకు 80 కి.మీ. వేగంతో గాలులు

అర్ణబ్ తుఫాన్ ప్రభావంతో ఒడిశాలో భారీ వర్షాలు కురుస్తున్నాయి. దక్షిణ ఒడిశా తీర ప్రాంతాల్లో కుండపోత వానలు పడుతున్నాయి.

రాజధాని భువనేశ్వర్‌తో పాటు లింగరాజ్, పటియా, తామందో, నందనకానన్, పహల్లా ప్రాంతాల్లో వర్షాలు కురుస్తున్నాయి. గంజాం, కేంద్రపడ జిల్లాల్లోనూ భారీ వర్షాలు పడుతున్నాయి. తీర ప్రాంతాల్లో గంటకు 80 కిలోమీటర్ల వేగంతో గాలులు వీస్తున్నాయి.

వర్ష ప్రభావిత ప్రాంతాల్లో 60 SDRF బృందాలు, 17 NDRF బృందాలు, 225 ఫైర్ సర్వీస్ యూనిట్లను మోహరించారు. ఆరు జిల్లాల్లో పర్యాటక ప్రాంతాలు, జలపాతాలు, డ్యామ్‌ల వద్దకు సందర్శకుల ప్రవేశాన్ని నిషేధించారు. ఈ వివరాలు అధికారులు తెలిపారు.

వర్షాలపై ముఖ్యమంత్రి మోహన్ చరణ్ మాజీ ఉన్నత స్థాయి సమావేశం నిర్వహించారు. ఈ నెల 29 వరకు తుఫాను ప్రభావం ఉంటుందని వాతావరణ శాఖ తెలిపింది.