జంతర్ మంతర్ ఆందోళనలో పోలీసులపై దాడి చేశారని కుటుంబాల ఆరోపణ

ఢిల్లీ జంతర్ మంతర్ వద్ద జరిగిన ఆందోళన సందర్భంగా పోలీసులపై దాడి జరిగిందని వారి కుటుంబ సభ్యులు ఆరోపిస్తున్నారు. ఇప్పటివరకు విద్యార్థులపై అధిక బలప్రయోగం చేశారన్న ఆరోపణలు వచ్చిన నేపథ్యంలో తాజా ఆరోపణలు మరో కోణాన్ని చూపిస్తున్నాయి.

పోలీస్ అధికారి కుమార్తె గుంజన్ మాట్లాడుతూ తన తండ్రి నేవీలో 15 ఏళ్లు మెరైన్ కమాండోగా పనిచేసి, ప్రస్తుతం ఢిల్లీ పోలీస్ ASI గా ఉన్నారని తెలిపారు. జంతర్ మంతర్ వద్ద విధుల్లో ఉండగా ఆయనపై దాడి జరిగిందని, దాడి చేసిన వారు విద్యార్థుల్లా కనిపించలేదని, యాంటీ సోషల్ ఎలిమెంట్స్ ఉన్నారని తన తండ్రి చెప్పినట్లు పేర్కొన్నారు. ఆయన ఆసుపత్రిలో దాదాపు నాలుగు గంటల పాటు స్పృహ కోల్పోయారని గుంజన్ ఆవేదన వ్యక్తం చేశారు.

పోలీస్ కుటుంబాలు విడుదల చేసిన వీడియోల్లో ఆందోళనకారులు దాడి చేస్తున్న దృశ్యాలు ఉన్నాయి. సంసద్ మార్చ్ సందర్భంగా చెలరేగిన హింసలో పోలీసులపై తప్పుడు ఆరోపణలు వస్తున్నాయని ఈ కుటుంబాలు ఆగ్రహం వ్యక్తం చేశాయి.

ఈ ఘటనపై తాము సుప్రీం కోర్టును ఆశ్రయించామని పోలీస్ కుటుంబాలు తెలిపాయి. ప్రస్తుతం ఈ కేసు సుప్రీం కోర్టు పరిధిలో ఉంది.