ఢిల్లీలో నాన్-BS6 వాహనాలపై ఆంక్షలు.. నవంబర్ 1 నుంచి అమలు

ఢిల్లీలో వాయు కాలుష్యాన్ని నియంత్రించేందుకు నాన్-BS6 వాహనాల ప్రవేశంపై కొత్త ఆంక్షలు విధించారు. నవంబర్ 1 నుంచి ఈ నిషేధం అమల్లోకి వస్తుంది.

ఈ ఆంక్షలు నవంబర్ 1 నుంచి జనవరి 31 వరకు అమల్లో ఉంటాయి. కాలుష్యాన్ని తగ్గించడమే లక్ష్యంగా ఢిల్లీ ప్రభుత్వం ఈ నిర్ణయం తీసుకుంది. ఇందుకు సంబంధించిన ఉత్తర్వులను ప్రభుత్వం జారీ చేసింది.

నోయిడా, గాజియాబాద్, హర్యానా తదితర ప్రాంతాల నుంచి ఢిల్లీలోకి వచ్చే వాహనాలను గుర్తించేందుకు Artificial Intelligence ఆధారిత వ్యవస్థను ప్రవేశపెట్టనున్నారు. ఈ వ్యవస్థ ద్వారా వాహనాల రిజిస్ట్రేషన్ నంబర్లను గుర్తిస్తారు. దాదాపు 10,000 పైగా BS4 వాహనాలను ఇప్పటికే గుర్తించినట్టు సమాచారం.

గత ఐదు సంవత్సరాలుగా దీపావళి తర్వాత ఢిల్లీలో కాలుష్యం తీవ్రమవుతోంది. ఈ కాలంలో నగర ప్రజలు ఇబ్బందులు పడుతున్నారు. ఈ నేపథ్యంలో ప్రభుత్వం రెండు రోజుల పాటు కీలక సమావేశాలు నిర్వహించి ఈ నిర్ణయం తీసుకుంది.

నిబంధనలకు అనుగుణంగా లేని వాహనాల ప్రవేశాన్ని నియంత్రించేందుకు అధికారులు చర్యలు చేపట్టనున్నారు. నవంబర్ 1 నుంచి ఢిల్లీలోకి వచ్చే వాహనదారులు ముందుగానే తమ వాహనం వివరాలు చెక్ చేసుకోవాలని అధికారులు సూచిస్తున్నారు.