యూకే నుంచి 5 ఏళ్ల తర్వాత స్వదేశానికి వచ్చిన భక్తుడు; లాల్ దర్వాజా అమ్మవారి దర్శనం

హైదరాబాద్ లోని లాల్ దర్వాజా అమ్మవారి ఆలయంలో బోనాల పండుగ సందర్భంగా ఓ భక్తుడు ప్రత్యేక పూజలు చేశాడు. ఐదేళ్ల క్రితం మాస్టర్స్ చదువు కోసం యూకే వెళ్లిన క్రాంతి అనే భక్తుడు, అమ్మవారి ఆశీస్సులతో తన కోరిక నెరవేరిందని చెప్పాడు. తిరిగి వచ్చి మొక్కులు చెల్లించుకున్నట్టు ఆయన తెలిపాడు.

ఈ సంవత్సరం బోనాల ఉత్సవాలు అంతకు ముందు కంటే చాలా ఘనంగా జరుగుతున్నాయని, ప్రజలకు మెరుగైన సౌకర్యాలు ఉన్నాయని క్రాంతి అభిప్రాయపడ్డాడు. బోనాల శుభాకాంక్షలు తెలియజేసిన ఆయన రాష్ట్రంలో మంచి వర్షాలు, పంటలు, ఐటీ రంగంలో ఉద్యోగాలు లభించాలని ఆకాంక్షించాడు.