గురు పౌర్ణమి వేళ షిర్డీ సాయికి రూ.1.20 కోట్ల బంగారు కానుకలు

గురు పౌర్ణమి సందర్భంగా షిర్డీ సాయిబాబా ఆలయంలో ముగ్గురు భక్తులు రూ.1.20 కోట్ల విలువైన బంగారు కానుకలను సమర్పించారు. ఏలూరుకు చెందిన మాలాడి శ్రీనివాసరావు 629 గ్రాముల బంగారు కిరీటాన్ని (విలువ రూ.1 కోటి) సమర్పించారు. జబల్‌పూర్ విశ్రాంత సైనికుడు ఓం ప్రకాష్ శర్మ 60 గ్రాముల రాళ్లతో కూడిన బంగారు కిరీటాన్ని (రూ.8 లక్షలు) ఇచ్చారు. బరోడాకు చెందిన విజయ్ నాయక్ 51 గ్రాముల రెండు బంగారు ‘ఓం’ అక్షరాలను (రూ.9 లక్షలు) సమర్పించారు. భక్తులు మాట్లాడుతూ, సాయి ఆశీస్సులతో సమృద్ధి కలుగుతుందనే నమ్మకంతో ఈ కానుకలు ఇచ్చామని చెప్పారు. కిరీటంలో నవగ్రహాలు, నవరత్నాలు, అమెరికన్ డైమండ్స్ పొందుపరిచామని వారు తెలిపారు.