రాజీనామాపై ధర్మేంద్ర ప్రధాన్ తొలిసారి స్పందన: నీట్ పేపర్ లీక్ ఆందోళనలను తప్పుదారి పట్టించే ప్రయత్నమే కారణమన్నారు

కేంద్ర మాజీ విద్యా శాఖ మంత్రి ధర్మేంద్ర ప్రధాన్ తన రాజీనామాపై మొదటిసారి స్పందించారు.

ఒడిశా భువనేశ్వర్ లోని జిఎం యూనివర్సిటీలో విద్యార్థులతో జరిగిన కార్యక్రమంలో ఆయన మాట్లాడుతూ రాజీనామా గురించి వివరణ ఇచ్చారు.

నీట్ పేపర్ లీక్ నిరసనలు చేపట్టిన విద్యార్థులను తప్పుదారి పట్టించే ప్రయత్నం జరిగిందని, ఆ కుట్రను భగ్నం చేయడానికే తాను కేంద్ర మంత్రి పదవికి రాజీనామా చేశానని ఆయన చెప్పారు. కొందరు యువతను తప్పుదోవ పట్టించే ప్రయత్నం చేశారని ఆరోపించారు.

పదవి తనకు ముఖ్యం కాదని, దేశాన్ని విశ్వగురువుగా తీర్చిదిద్దడమే లక్ష్యమని ధర్మేంద్ర ప్రధాన్ తెలిపారు. ప్రధాని మోదీని కలిసి తానే స్వచ్ఛందంగా రాజీనామా చేయడానికి ముందుకు వచ్చానని వెల్లడించారు.

గో బ్యాక్ నినాదాలపై స్పందించిన ఆయన, తాను రైతు బిడ్డనని, గో బ్యాక్ అన్నా తిరిగి వస్తానని వ్యాఖ్యానించారు. జగన్నాథుడి ఆశీర్వాదం తనకు ఉందని కూడా చెప్పారు.