నటి దివ్య సురేష్‌పై బెంగళూరులో వేధింపుల ఆరోపణ

నటి దివ్య సురేష్ బెంగళూరులో ఆదివారం రాత్రి వేధింపులకు గురైనట్టు ఆరోపించారు. ఆమె తన కజిన్‌తో కలిసి రోడ్డుపై నడుస్తుండగా ఓ వ్యక్తి అనుసరిస్తూ అసభ్యంగా ప్రవర్తించాడని తెలిపారు.

రాత్రి 11:30 గంటల సమయంలో ఈ ఘటన జరిగిందని, తాను ప్రశ్నించినా ఆ వ్యక్తి ప్రవర్తన మార్చుకోలేదని, కారు ఎక్కే వరకు వెంటాడాడని దివ్య తన ఇన్‌స్టాగ్రామ్ స్టోరీలో పేర్కొన్నారు. బెంగళూరు పోలీసులను ట్యాగ్ చేస్తూ మహిళల భద్రతపై ప్రశ్నించారు.

ఈ ఘటనకు సంబంధించిన వీడియోను కూడా ఆమె పోస్ట్ చేశారు. దీనిపై ఇప్పటివరకు బెంగళూరు పోలీసులు ఎటువంటి స్పందన ఇవ్వలేదు.

33 ఏళ్ల దివ్య సురేష్ 2017లో మిస్ ఇండియా సౌత్ టైటిల్ గెలుచుకున్నారు. కన్నడ సినిమాలు, సీరియల్స్‌లో నటించారు. 2021లో బిగ్ బాస్ కన్నడ సీజన్ 8లో పాల్గొన్నారు.

గత ఏడాది అక్టోబర్‌లో బెంగళూరులో జరిగిన హిట్ అండ్ రన్ ప్రమాదంలో కూడా ఆమె పేరు వార్తల్లో నిలిచింది. ఆ ఘటన నుంచి ఆమె మౌనంగా ఉన్నారు.