విశాఖలోని సన్ ఇంటర్నేషనల్ కళాశాలలో దీపావళి వేడుకలు

విశాఖపట్నంలోని సన్ ఇంటర్నేషనల్ కళాశాలలో దీపావళి వేడుకలు ఘనంగా జరిగాయి. దీపావళికి ఒక రోజు ముందే కళాశాల ప్రాంగణంలో యాజమాన్యం ప్రత్యేక పూజలు నిర్వహించింది.

విద్యార్థులు ప్రదర్శించిన సాంస్కృతిక నృత్యాలు వేడుకల ప్రత్యేక ఆకర్షణగా నిలిచాయి. దీపావళి ప్రాముఖ్యతను విద్యార్థులు సాంస్కృతిక కార్యక్రమాల రూపంలో చూపించారు.

కళాశాల ఎగ్జిక్యూటివ్ డైరెక్టర్ ఆశా జాస్తి మాట్లాడుతూ, ప్రతి సంవత్సరం దీపావళికి ఒక రోజు ముందే వేడుకలు ప్రారంభిస్తామని తెలిపారు. వివిధ రాష్ట్రాలు, వివిధ దేశాలకు చెందిన విద్యార్థులు కళాశాలలో చదువుతున్నారని ఆమె చెప్పారు. అందరూ కలిసి భారతీయ సంస్కృతి, సంప్రదాయాలను ప్రతిబింబించేలా పండుగ జరుపుకుంటారని అన్నారు.

పర్యావరణ పరిరక్షణకు ప్రాధాన్యత ఇస్తూ ప్రతి సంవత్సరం ఎకో ఫ్రెండ్లీ దీపావళి నిర్వహిస్తున్నామని ఆశా జాస్తి తెలిపారు. వేడుకలకు విద్యార్థులు సంప్రదాయ దుస్తుల్లో హాజరయ్యారు. ఆంధ్ర రాష్ట్ర పిండి వంటలను విద్యార్థులే తయారు చేశారు.

కళాశాల ప్రధానంగా హాస్పిటాలిటీ కోర్సును నిర్వహిస్తుండటంతో, లడ్డూ, చిచ్చుగుడ్ల వంటి స్వీట్లను మతాబుల ఆకారంలో తయారు చేసి దీపావళి జరుపుకున్నారు. అందరూ సురక్షితమైన దీపావళి జరుపుకోవాలని ఆమె కోరారు.