కృష్ణా జిల్లా ఘంటసాల ZPTC స్థానంలో జనసేన అభ్యర్థి దోవారి పవిత్ర విజయం

కృష్ణా జిల్లా ఘంటసాల మండలం ZPTC ఎన్నికల్లో జనసేన అభ్యర్థి దోవారి పవిత్ర భారీ మెజారిటీతో గెలుపొందారు. ఓట్ల లెక్కింపు ప్రారంభం నుంచి ఆమె ఆధిక్యంలో కొనసాగారు. చివరి రౌండ్లలో విజయం ఖాయమైంది. ఈ స్థానం జనసేన గెలుచుకోవడంతో పార్టీ శ్రేణులు సంబరాలు జరుపుకున్నాయి.

కృష్ణా జిల్లాలో మొత్తం 16 ZPTC స్థానాల ఫలితాలు వెలువడ్డాయి. వీటిలో TDP 13, జనసేన 1, BJP 1, YSRCP 1 స్థానాలు గెలుచుకున్నాయి. ఉమ్మడి కృష్ణా జిల్లాలో జనసేన పోటీ చేసిన చోటల్లా దాదాపు 90% విజయాలు నమోదవుతున్నాయని తెలుస్తోంది.

పొరుగున ఉన్న NTR జిల్లాలో 16 ZPTC స్థానాలకు గాను TDP 13, జనసేన 2, BJP 1 స్థానాల్లో గెలుపొందాయి. మువ్వలో జనసేన అభ్యర్థి సార్త్ నరేష్ హోరాహోరీ పోటీలో ఉన్నారు.

కొన్ని చోట్ల ఓట్ల లెక్కింపు ఇంకా కొనసాగుతోంది. మరో రెండు గంటల్లో లెక్కింపు పూర్తి కావచ్చని అంచనా వేస్తున్నారు.