స్టాక్ మార్కెట్‌లు లాభాల్లో ముగింపు: సెన్సెక్స్ 315 పాయింట్లు పెరిగింది

దేశీయ స్టాక్ మార్కెట్లు వారాంతపు సెషన్ లాభాల్లో ముగించాయి. సెన్సెక్స్ 315.20 పాయింట్లు పెరిగి 73,895.74 వద్ద ముగిసింది. నిఫ్టీ 77.40 పాయింట్లు పెరిగి 23,140.50 వద్ద స్థిరపడింది.

సెన్సెక్స్ ఉదయం 73,525 వద్ద స్వల్ప నష్టాలతో ప్రారంభమైంది. మధ్యాహ్నం వరకు మార్కెట్లు ఒడిదొడుకులకు గురయ్యాయి. తర్వాత కనిష్ట స్థాయిల వద్ద కొనుగోళ్లు పెరిగాయి. దీంతో సూచీలు పుంజుకున్నాయి.

సెన్సెక్స్ గెయినర్లలో యాక్సిస్ బ్యాంక్, మహీంద్రా అండ్ మహీంద్రా, ఏషియన్ పెయింట్స్, బజాజ్ ఫైనాన్స్, HCL టెక్నాలజీస్ షేర్లు ఉన్నాయి. ట్రెంట్, ఇన్ఫోసిస్, కోటక్ మహీంద్రా బ్యాంక్, ICICI, టాటా స్టీల్ షేర్లు నష్టాల్లో ముగిశాయి.

కరెన్సీ మార్కెట్‌లో డాలర్‌తో రూపాయి మారకం విలువ 95.80 వద్ద ఉంది. అంతర్జాతీయ కమోడిటీ మార్కెట్‌లో బ్రెంట్ క్రూడ్ బ్యారెల్ ధర 105 డాలర్లుగా ఉంది. బంగారం ఔన్స్ ధర 4,305 డాలర్లుగా ట్రేడ్ అవుతోంది.