భార్య కోసం రైతు ఇంట్లో స్టెయిర్ లిఫ్ట్ తయారు

తూర్పు గోదావరి జిల్లా ఆర్తమూరు గ్రామానికి చెందిన రైతు సత్తి శివనారాయణ రెడ్డి తన భార్య కోసం ఇంట్లో స్టెయిర్ లిఫ్ట్ తయారు చేశాడు. ఆయన భార్య మోకాళ్ల నొప్పులతో బాధపడుతూ రెండంతస్తుల ఇంట్లో మెట్లెక్కి దిగడం కష్టంగా ఉండేది.

ఈ సమస్యకు పరిష్కారంగా శివనారాయణ రెడ్డి మెట్లపై స్టెయిర్ లిఫ్ట్ నిర్మించాడు. ఇందుకు 1.5 HP మోటార్, రేకు, మూడు ఆటో స్టార్టర్లు, రెండు స్టార్టర్లు, బేరింగ్లు, ఎలక్ట్రికల్ వైర్లను ఉపయోగించాడు. ఈ నిర్మాణానికి ఆయనకు సుమారు 70 వేల రూపాయలు ఖర్చయ్యింది.

ఈ స్టెయిర్ లిఫ్ట్ తక్కువ విద్యుత్ తో నడుస్తుంది. ఒకేసారి 300 కిలోల బరువును మోయగలదు. కరెంట్ పోయినా లిఫ్ట్ ఆగిపోయేలా భద్రతా ఏర్పాటు చేశాడు. ఆన్-ఆఫ్ చేయడానికి ప్రత్యేక స్విచ్ ఉంది.

శివనారాయణ రెడ్డి చదువు ఐదవ తరగతి వరకే అయినా, ఎలక్ట్రికల్ వస్తువులపై ఆసక్తితో ఈ స్టెయిర్ లిఫ్ట్ తయారు చేశాడు. ప్రస్తుతం ఆయన కుటుంబం మెట్లు ఎక్కాల్సిన అవసరం లేకుండా సులభంగా పైకి వెళ్లగలుగుతోంది. ఈ విషయం సోషల్ మీడియాలో చాలామంది అభినందనలు తెలుపుతున్నారు.