EPFO జూలై 15 నాటికి 8.25% PF వడ్డీ జమ: 34 కోట్ల ఖాతాదారులకు ప్రయోజనం

EPFO జూలై 15 నాటికి సుమారు 34 కోట్ల PF ఖాతాలలో 2025-26 ఆర్థిక సంవత్సరానికి గాను 8.25% వడ్డీని జమ చేయనుంది. దీని ద్వారా మొత్తం 1.44 లక్షల కోట్లకు పైగా వడ్డీ సొమ్ము ఖాతాదారుల అకౌంట్లలోకి చేరనుందని ఈపీఎఫ్ఓ తెలిపింది.

కొత్తగా అమలు చేస్తున్న సెంట్రలైజ్డ్ ఐటీ ఎనేబుల్డ్ సర్వీసెస్ (CITES 2.01) వ్యవస్థ ద్వారా ఈసారి వడ్డీ జమ ప్రక్రియ వేగవంతంగా పూర్తవుతుంది. క్లెయిమ్లు, బదిలీలు, ఉపసంహరణలు, పెన్షన్ సేవలలో ఈ కొత్త ప్లాట్ఫామ్ గణనీయమైన మార్పులు తెస్తుందని అధికారులు పేర్కొన్నారు.

గతంలో వడ్డీ ఖాతాల్లో చేరేందుకు అక్టోబర్ లేదా నవంబర్ వరకు సమయం పట్టేది. కానీ ఈ ఆటోమేటెడ్ వ్యవస్థతో ప్రాసెసింగ్ సమయం బాగా తగ్గిందని కేంద్ర మంత్రి మన్సూఖ్ మాండవియ తెలిపారు. ప్రస్తుతం ఫీల్డ్ లెవెల్ తనిఖీలు జరుగుతున్నాయి. జూలై 15 లోగా అన్ని ఖాతాల్లో వడ్డీ జమ చేస్తామని ఈపీఎఫ్ఓ స్పష్టం చేసింది.