ఆసియా క్రీడల్లో భారత మహిళా క్రీడాకారులకు మరో రెండు పతకాలు ఖాయం

ఆసియా క్రీడల్లో భారత మహిళా క్రీడాకారులు రెండు పతకాలు సాధించారు. హైదరాబాద్ షూటర్ ఈషా సింగ్ రజతం గెలుచుకోగా, కురాష్‌లో పింకీ బల్హారా కాంస్యం సాధించారు.

మహిళల షూటింగ్ వ్యక్తిగత విభాగం ఫైనల్లో చైనా షూటర్‌తో ఈషా సింగ్ 38 పాయింట్లతో సమానంగా నిలిచారు. దీంతో షూటాఫ్ జరిగింది. ఐదు షూటాఫ్‌ల తర్వాత చివరి షాట్‌లో ఈషా తడబడటంతో రజతంతో సరిపెట్టుకుంది.

మహిళల 78 కిలోల కురాష్ విభాగంలో పింకీ బల్హారా దక్షిణ కొరియా క్రీడాకారిణి చేతిలో ఓడి కాంస్యం గెలుచుకుంది. మహిళల 75 కిలోల బాక్సింగ్‌లో లవ్లీనా బోర్గోహైన్ క్వార్టర్ ఫైనల్‌లో దక్షిణ కొరియా క్రీడాకారిణిని 5 పాయింట్ల తేడాతో ఓడించి సెమీస్‌కు చేరింది. దీంతో ఆమె భారత్‌కు మరో పతకాన్ని ఖాయం చేసింది.