ఢిల్లీ ఒప్పందం ఉల్లంఘించిన పాక్: కార్గిల్ యుద్ధంలో ఆర్మీ మాజీ మేజర్ వెల్లడించిన కీలక విషయాలు

1999 లో జరిగిన కార్గిల్ యుద్ధం వెనుక పాకిస్తాన్ ప్రణాళికను భారత ఆర్మీ మాజీ మేజర్ వివరించారు. ఒక యూ‌ట్యూబ్ ఇంటర్వ్యూలో ఆయన ఈ విషయాలు తెలిపారు.

1998 లో భారత్ పోఖ్రాన్ అణు పరీక్షలు నిర్వహించి అణు దేశంగా ఎదగడం పాకిస్తాన్ జీర్ణించుకోలేదు. దీంతో కార్గిల్ నియంత్రించే ప్రణాళిక రచించింది.

కార్గిల్ కాశ్మీర్‌ను లడఖ్‌తో కలిపే కీలక ప్రాంతం. కార్గిల్‌ను పాక్ ఆక్రమిస్తే లడఖ్, సియా‌చిన్ గ్లేషియర్ కూడా కటాఫ్ అవుతాయి. అక్కడి నుంచి చైనా ప్రవేశించే ప్రమాదం ఉంటుంది.

1995 లో భారత్-పాక్ మధ్య ఢిల్లీ ఒప్పందం కుదిరింది. దీని ప్రకారం చలికాలం వచ్చేసరికి అత్యంత ఎత్తులో ఉన్న ఆర్మీ పోస్టుల నుంచి ఇరు దేశాలు సైనికులను ఉపసంహరించాలి. 1996, 1997 లలో పాకిస్తాన్ ఈ ఒప్పందాన్ని పాటించింది. కానీ 1998 చలికాలంలో భారత్ సైన్యం దిగిపోవగా, పాకిస్తాన్ దిగలేదు. మోసపూరితంగా ఆ పోస్టులను ఆక్రమించింది.

పాకిస్తాన్ ఈ ఆక్రమణలో రెగ్యులర్ ఆర్మీని ఉపయోగించకుండా, గిరిజనులకు పారామిలటరీ యూనిఫామ్ వేసి, కొంతమంది పారామిలటరీ బలగాలతో పోస్టులను ఆక్రమించింది. తద్వారా తమ ప్రమేయాన్ని నిరాకరించే అవకాశం ఉంటుందని పథకం వేసింది.

యుద్ధం ముగిసిన తర్వాత కూడా పాకిస్తాన్ ఆక్రమణలో చనిపోయిన తమ సొంత సైనికుల మృతదేహాలను స్వీకరించలేదు. దాంతో భారత సైన్యం ఇస్లామిక్ సంప్రదాయం ప్రకారం ఆ మృతదేహాలను ఖననం చేసింది. ఇది పాక్ నమ్మదగని వైఖరికి నిదర్శనమని మాజీ మేజర్ అభిప్రాయపడ్డారు.