అమ్మ 75వ జన్మదినం: పుణ్యలింగేశ్వర స్వామి ఆలయంలో అనాథలకు అన్నదానం

మల్కాజిగిరి, హైదరాబాద్‌కు చెందిన సుబ్బారావు, జగదాంబ దంపతులు తమ తల్లి రామలక్ష్మి 75వ జన్మదినాన్ని పుణ్యలింగేశ్వర స్వామి ఆలయంలో నిర్వహించారు.

ఈ సందర్భంగా ఆలయానికి అనుబంధంగా ఉన్న అనాథ ఆశ్రమంలో పిల్లలకు వారు స్వయంగా అన్నదానం చేశారు. సుబ్బారావు మాట్లాడుతూ, ఆలయంలో ద్వాదశ జ్యోతిర్లింగ దర్శనం చేసుకున్నామని, ఆ ఆధ్యాత్మిక అనుభూతి చాలా బాగుందని తెలిపారు.

ఆశ్రమ నిర్వాహకులు చాలా మందికి అవసరమైన సదుపాయాలు కల్పిస్తున్నారని, ఆలయ ఆవరణ, నిర్వహణ బాగుందని ఆయన ప్రశంసించారు. ఈ సేవా కార్యక్రమాన్ని స్థానికులు అభినందించారు.