1991లో తన పేరుతో తిరుచ్చిలో గుడి కట్టిన అభిమానులు: నటి ఖుష్బూ సుందర్

1991లో తమిళ చిత్రం 'చిన్నతంబి' విడుదలైన తర్వాత, తమిళనాడులోని తిరుచ్చిలో నటి ఖుష్బూ సుందర్ పేరుతో అభిమానులు ఒక గుడి నిర్మించారు. ఈ విషయాన్ని ఖుష్బూ స్వయంగా ఒక టీవీ కార్యక్రమంలో వెల్లడించారు.

ఆ సమయంలో తనకు తమిళం చదవడం రాదని, వరుస షూటింగ్‌ల వల్ల న్యూస్‌పేపర్ చూసే సమయం లేకపోవడంతో ఈ విషయం తెలియలేదని ఆమె చెప్పారు. సుమారు ఏడాదిన్నర నుంచి రెండేళ్ల తర్వాత ఒకరు వచ్చి చెప్పడంతో తెలిసిందన్నారు. ఆ సమయంలో స్పందించడం చాలా ఆలస్యమైందని, తాను స్పందించలేదని తెలిపారు.

ఖుష్బూ మాట్లాడుతూ, తాను ఎప్పుడూ అభిమాన సంఘాలు, పోస్టర్లు, బ్యానర్లు, డబ్బు ఖర్చు చేయడాన్ని ప్రోత్సహించలేదని స్పష్టం చేశారు. పుట్టినరోజున రక్తదానం చేయాలని లేదా పేదలకు భోజనం పెట్టాలని అభిమానులకు చెప్తూ ఉంటానన్నారు. తిరుచ్చి గుడి కేవలం ప్రజలు చూపించిన గౌరవానికి చిహ్నమని ఆమె అన్నారు.