ఆదిలాబాద్‌లో KCR, KTR చిత్రాలతో సోయాబీన్ పూజ చేసిన రైతులు

ఆదిలాబాద్ జిల్లా ఇచ్చోడ మండలం ముక్రాకి గ్రామంలో ఖరీఫ్ సీజన్ ప్రారంభమైంది.

స్థానిక రైతులు తమ వ్యవసాయ క్షేత్రంలో సోయాబీన్ విత్తనాలు నాటే ముందు ప్రత్యేక పూజ నిర్వహించారు. ఈ సందర్భంగా BRS అధినేత KCR, వర్కింగ్ ప్రెసిడెంట్ KTR ల చిత్రాలను పెట్టి పూజలు చేశారు.

BRS హయాంలో రైతుబంధు, రుణమాఫీ, ఎరువులు, విత్తనాలు సకాలంలో అందాయని రైతులు పేర్కొన్నారు. ప్రస్తుత కాంగ్రెస్ ప్రభుత్వంలో రైతు భరోసా నిధులు ఆలస్యమవుతున్నాయని, ఎరువులు అందుబాటులో లేవని వారు ఆరోపించారు.

రైతులు బాగుపడాలంటే BRS మళ్లీ అధికారంలోకి రావాలని దేవుణ్ణి కోరుకుంటున్నట్టు రైతులు తెలిపారు. KCR, KTR లు తిరిగి అధికారంలోకి రావాలని వారు నినాదాలు చేశారు. ఈ విషయంపై కాంగ్రెస్ ప్రభుత్వం స్పందన తెలియాల్సి ఉంది.