కరీంనగర్‌లో సిపిఐ ప్రచార జాతర: కేంద్రంపై విమర్శ, కాంగ్రెస్‌కు విజ్ఞప్తి

కరీంనగర్ జిల్లా జమ్మికుంటలో సిపిఐ ప్రచార జాతర నిర్వహించింది. ఈ కార్యక్రమంలో సిపిఐ ఎమ్మెల్యే కూనంని సాంబశివరావు పాల్గొని మాట్లాడారు.

దేశ సంపద కొద్దిమంది సంపన్నుల చేతుల్లో కేంద్రీకృతమైందని, ఫలితంగా సామాన్య ప్రజలు ఆర్థిక ఇబ్బందులు ఎదుర్కొంటున్నారని ఆయన ఆరోపించారు. కేంద్రం పన్ను విధానాలు పెద్ద పారిశ్రామికవేత్తలకు అనుకూలంగా ఉండటం వల్ల ఆర్థిక అసమానతలు పెరిగాయని విమర్శించారు.

రాష్ట్రంలో కాంగ్రెస్ ప్రభుత్వం ఎన్నికల సమయంలో ఇచ్చిన హామీలను వెంటనే అమలు చేయాలని సిపిఐ డిమాండ్ చేసింది. 6 నుండి 14 వ తేదీ వరకు ‘మార్పు రావాలి’ అనే నినాదంతో దేశవ్యాప్తంగా ప్రచార జాతర నిర్వహిస్తున్నట్లు సాంబశివరావు తెలిపారు.

విద్యార్థుల ఆందోళనలు, వారిపై చర్యలు వంటి అంశాలను కూడా ప్రస్తావించారు.