మధ్యప్రదేశ్‌లో పెసలకు మద్దతు ధర డిమాండ్‌తో రోడ్డుపై రైతుల ఆందోళన

మధ్యప్రదేశ్ రాజధాని భోపాల్‌లో రైతులు రోడ్డుపై ఆందోళన చేపట్టారు. పెసలు (పెసర) పంటకు మద్దతు ధర కల్పించాలని డిమాండ్ చేశారు. రోడ్డు ఆక్రమించడంతో భారీ ట్రాఫిక్ జామ్ ఏర్పడింది.

రైతులు పలు డిమాండ్లు లేవనెత్తారు. ప్రభుత్వం ప్రస్తుతం 25% మాత్రమే పెసలు కొనుగోలు చేస్తోందని, మొత్తం ఉత్పత్తిని 100% సేకరించాలని కోరారు. ఎరువుల పంపిణీలో టోకెన్ విధానం వల్ల తీవ్ర ఇబ్బందులు ఎదురవుతున్నాయన్నారు. వ్యవసాయ శాఖ మంత్రి రాజీనామా చేయాలని డిమాండ్ చేశారు.

ఆందోళనలో రైతులు ప్రభుత్వాన్ని నిరసిస్తూ నినాదాలు చేశారు. పోలీసులు ఘటనా స్థలంలో భారీ బందోబస్తు నిర్వహించారు. డిమాండ్లు నెరవేరకపోతే ముఖ్యమంత్రి నివాసాన్ని చుట్టుముట్టుతామని రైతులు హెచ్చరించారు.