విజయవాడ లక్కీ షాపింగ్ మాల్‌లో ఈనాడు EFM ఆధ్వర్యంలో ఫాదర్స్ డే వేడుకలు

విజయవాడ MG రోడ్‌లోని లక్కీ షాపింగ్ మాల్‌లో ఈనాడు EFM ఆధ్వర్యంలో ఫాదర్స్ డే వేడుకలు కోలాహలంగా జరిగాయి. తండ్రుల పట్ల ప్రేమను, గౌరవాన్ని చాటేలా ఏర్పాటు చేసిన ఈ కార్యక్రమం నగరవాసులను విశేషంగా ఆకట్టుకుంది.

మాల్‌కు వచ్చిన చిన్నారులు మరియు మహిళలు తమ తండ్రిపై ఉన్న ప్రేమను వ్యక్తపరుస్తూ ప్రత్యేకంగా ఫాదర్స్ డే శుభాకాంక్షలు తెలిపారు. నాన్నతో ఉన్న అనుబంధాన్ని, తీపి జ్ఞాపకాలను అందరితో పంచుకోవడంతో మాల్ ప్రాంగణంలో ఉత్సాహ వాతావరణం నెలకొంది.

నాన్నకు ఇష్టమైన విషయాలు, వారి జీవిత విశేషాలపై అడిగిన ప్రశ్నలకు పిల్లలు ఎంతో ఉత్సాహంగా సమాధానాలు చెప్పారు. క్విజ్ పోటీలో గెలిచిన విజేతలకు లక్కీ షాపింగ్ మాల్ తరపున బహుమతులు అందజేశారు.

ప్రతి కుటుంబంలో నాన్న పాత్ర ఎంతో విలువైందని లక్కీ షాపింగ్ మాల్ మేనేజింగ్ డైరెక్టర్ స్వామి తెలిపారు. నాన్న త్యాగాలను స్మరించుకుంటూ ఈనాడు EFM తో కలిసి ఫాదర్స్ డే వేడుకలు నిర్వహించడం ఎంతో సంతోషంగా ఉందని ఆయన పేర్కొన్నారు.

కార్యక్రమంలో పాల్గొన్న వారు తమ తండ్రుల కృషిని, త్యాగాలను కొనియాడారు. పిల్లల భవిష్యత్తు కోసం జీవితాన్ని అంకితం చేస్తూ ప్రతి కష్టసుఖంలో వెన్నంటి నిలిచే తండ్రులందరికీ శుభాకాంక్షలు తెలిపారు. EFM తో అనుసంధానమై ఈ వేడుకలు నిర్వహించే అవకాశం కల్పించినందుకు ETV వారికి కృతజ్ఞతలు అని మాల్ యాజమాన్యం తెలిపింది.