ఏపీ తీరంలో చేపల బోటు బోల్తా: సరకు నౌక సాయంతో ప్రాణాలతో బయటపడ్డ బాధితుడు; ఒకరు మృతి

ఆంధ్రప్రదేశ్ తీరంలో చేపల వేటకు వెళ్లిన బోటు బోల్తా పడింది. ఈ ఘటనలో ఓ మత్స్యకారుడు మృతి చెందగా, మరో మత్స్యకారుడు సరకు నౌక సాయంతో సురక్షితంగా బయటపడ్డాడు.

బాధిత మత్స్యకారుడు తెలిపిన వివరాల ప్రకారం, బోటు సముద్రంలో 20-23 మైళ్ల దూరం నుంచి తిరిగి వస్తుండగా, గట్టుకు 10 మైళ్ల దూరంలో ఉన్నప్పుడు బోల్తా పడింది. ఈ ప్రమాదంలో తన అన్నయ్య కుమారుడు చనిపోయాడని, తాము కొంతసేపు 'బొడుగు' మీద తేలాడామని చెప్పాడు.

బోటు మునిగిపోవడంతో నీళ్లలో పడిన తాము పక్కనే వెళ్తున్న ఓ సరకు నౌక వైపు ఈదుకుంటూ వెళ్లామని వివరించాడు. ఆ నౌక సిబ్బంది లైఫ్ జాకెట్ విసిరి తనను పైకి లాగి నీళ్లు, ఆహారం ఇచ్చి కాపాడారని తెలిపాడు. ప్రస్తుతం తను సంఘటన స్థలం నుంచి క్షేమంగా బయటపడ్డాడు. బోటులో మొత్తం 11 మంది ఉన్నట్లు సమాచారం.