ఫ్రీడమ్ ఆఫ్ స్పీచ్ అంటే ఇష్టం వచ్చినట్లు మాట్లాడటం కాదు: పవన్ కళ్యాణ్

ఆంధ్రప్రదేశ్ ఉప ముఖ్యమంత్రి పవన్ కళ్యాణ్ మాట్లాడుతూ, ఫ్రీడమ్ ఆఫ్ స్పీచ్ అంటే ఇష్టం వచ్చినట్లు మాట్లాడటం కాదని అన్నారు.

రాజ్యాంగంలోని ఆర్టికల్ 19 ప్రకారం, దేశ సమగ్రత, జాతీయ భద్రత, ప్రజాశాంతి, మర్యాద, నైతిక విలువలు, పరువు నష్టం, నేరాలకు ప్రేరేపించడం వంటి అంశాల్లో హేతుబద్ధమైన ఆంక్షలు ఉన్నాయని ఆయన వివరించారు.

ప్రభుత్వాన్ని విమర్శించే, ప్రశ్నించే, నిర్ణయాలతో విభేదించే హక్కు ఉందని, అదే ప్రజాస్వామ్యమని, దాన్ని తాము స్వాగతిస్తామని పవన్ కళ్యాణ్ స్పష్టం చేశారు.

కానీ, వ్యక్తిగతంగా తిట్టడం, డెత్ త్రెట్లు ఇవ్వడం, ఆధారాలు లేకుండా ఆరోపణలు చేయడం, మహిళలను లక్ష్యంగా చేసుకోవడం, మత విశ్వాసాలను అవమానించడం, వ్యక్తి గౌరవాన్ని దెబ్బతీయడం, హింసకు ప్రేరేపించడం వంటివి రాజ్యాంగం కల్పించిన స్వేచ్ఛ పరిధిలోకి రావని, ఇవి చట్టపరంగా నేరాలని ఆయన హెచ్చరించారు.