ఆటో డ్రైవర్లకు ఇచ్చిన హామీలు నెరవేర్చాలి: గంగుల కమలాకర్

కరీంనగర్‌లో జరిగిన ఆటో డ్రైవర్ల దినోత్సవ కార్యక్రమంలో BRS నేత, మాజీ మంత్రి గంగుల కమలాకర్ పాల్గొన్నారు. ఈ సందర్భంగా ఆయన మాట్లాడుతూ, తెలంగాణ ప్రభుత్వం ఎన్నికల సమయంలో ఆటో డ్రైవర్లకు ఇచ్చిన హామీలను తక్షణమే నెరవేర్చాలని డిమాండ్ చేశారు.

కాంగ్రెస్ మేనిఫెస్టోలో భాగంగా, ప్రతి ఆటోకు సంవత్సరానికి ₹12,000 ఆర్థిక సహాయం అందిస్తామన్న హామీని ప్రభుత్వం అమలు చేయాలన్నారు. మహిళలకు ఉచిత బస్సు సౌకర్యం ప్రవేశపెట్టడంతో ఆటో ప్రయాణికుల సంఖ్య తగ్గి, డ్రైవర్లు ఆర్థిక ఇబ్బందులు ఎదుర్కొంటున్నారని ఆయన పేర్కొన్నారు.

ఉచిత బస్సు పథకాన్ని వ్యతిరేకించడం లేదని, కానీ పథకానికి ప్రత్యామ్నాయంగా ఆటో డ్రైవర్లకు ఆర్థిక సహాయం అందించాలని కోరారు. ఈ కార్యక్రమంలో జెండా ఆవిష్కరణ, కేక్ కటింగ్ నిర్వహించారు.