నెల్లూరు జిల్లా ఆత్మకూరులో గ్యాస్ సిలిండర్ పేలుడు: ఇద్దరు మహిళలకు తీవ్ర గాయాలు

నెల్లూరు జిల్లా ఆత్మకూరు మండలం మహిమలూరు గ్రామంలో శుక్రవారం ఓ ఇంట్లో గ్యాస్ సిలిండర్ పేలింది. ఈ ప్రమాదంలో ఇద్దరు మహిళలు తీవ్రంగా గాయపడ్డారు.

వృద్ధురాలు లక్ష్మమ్మ ఇంట్లో వంట చేస్తుండగా గ్యాస్ లీక్ అవుతున్నట్లు అనుమానించారు. సమీపంలో ఉన్న జమీలా అనే మహిళతో కలిసి ఆమె గ్యాస్ లీకేజీని పరిశీలించేందుకు వెళ్లారు. వారు పరిశీలిస్తుండగా ఒకసారిగా సిలిండర్ పేలింది.

స్థానికులు వెంటనే గాయపడిన ఇద్దరు మహిళలను ఆత్మకూరు ప్రభుత్వ ఆసుపత్రికి తరలించారు. ప్రాణనష్టం జరిగినట్లు ఇప్పటివరకు సమాచారం లేదు.