బంగారం ధర నిర్ణయం ఎలా జరుగుతుంది? LBMA విధానం, డిమాండ్ ట్రెండ్లు

అంతర్జాతీయంగా బంగారం ధరలను లండన్ బులియన్ మార్కెట్ అసోసియేషన్ (LBMA) రోజుకు రెండుసార్లు నిర్ణయిస్తుంది. ఈ ధర నిర్ణయం ICE బెంచ్‌మార్క్ ద్వారా ఎలక్ట్రానిక్ వేలం విధానంలో జరుగుతుంది.

ఈ ప్రక్రియలో దాదాపు 15 కేంద్ర బ్యాంకులు పాల్గొంటాయి. వాటి బిడ్, ఆస్క్ రేట్ల ఆధారంగా దాదాపు 45 సెకన్ల పాటు ధర నిర్ణయం జరుగుతుంది. ఆ తర్వాత ఇతర కేంద్ర బ్యాంకులు, మార్కెట్ భాగస్వాములు ఈ బెంచ్‌మార్క్ ధరను అనుసరించి కొనుగోళ్లు, అమ్మకాలు జరుపుతాయి.

బంగారం ధర ఎప్పుడూ డాలర్లలో నిర్ణయమవుతుంది. డాలర్ బలపడితే బంగారం ధర తగ్గుతుంది. డాలర్ బలహీనపడితే బంగారం ధర పెరుగుతుంది. ఇది ఇన్వర్స్ రిలేషన్‌షిప్ అని పిలుస్తారు.

ప్రస్తుత ఆర్థిక సంవత్సరం మొదటి త్రైమాసికంలో ప్రపంచవ్యాప్తంగా జ్యువెలరీ కొనుగోళ్లు దాదాపు 23 శాతం తగ్గాయి. అదే సమయంలో కేంద్ర బ్యాంకులు కొనుగోళ్లు కొనసాగించాయి. చాలామంది ఇన్వెస్టర్లు ఆభరణాలకు బదులుగా గోల్డ్ కాయిన్స్, బిస్కెట్లు, బార్ల వైపు మొగ్గు చూపారు. ఈ బార్లు 1 గ్రాము నుంచి 1 కేజీ వరకు లభిస్తాయి.