బంగారం ధరలు మళ్లీ పెరిగాయి: 24 క్యారెట్ల 10 గ్రాముల ధర ₹1,43,290

దేశీయ మార్కెట్‌లో బంగారం ధరలు మళ్లీ పెరిగాయి. సోమవారం క్లోజింగ్ ధరలతో పోలిస్తే 24 క్యారెట్ల 10 గ్రాముల బంగారం ధర ₹540 పెరిగి ₹1,43,290కు చేరింది.

22 క్యారెట్ల బంగారం ధర ₹500 పెరిగి ₹1,31,350కి చేరింది. ఆభరణాల తయారీలో ఎక్కువగా వాడేది ఈ 22 క్యారెట్లే. 18 క్యారెట్ల 10 గ్రాముల ధర ₹480 పెరిగి ₹1,07,570 వద్ద ట్రేడ్ అవుతోంది.

నగరాల వారీగా చూస్తే హైదరాబాద్, ముంబైలలో 24 క్యారెట్ల 10 గ్రాముల ధర ₹1,43,290 వద్ద ట్రేడ్ అయింది. ఈ రెండు నగరాల్లో 22 క్యారెట్ల ధర ₹1,31,350 వద్ద నిలిచింది. చెన్నైలో ఇవే రేట్లు వరుసగా ₹1,44,100, ₹1,32,320గా ఉన్నాయి. బెంగళూరులో 24 క్యారెట్ల ధర ₹1,43,290 కాగా, 22 క్యారెట్లు ₹1,32,350 వద్ద కొనసాగుతోంది.

అంతర్జాతీయ ఆర్థిక పరిస్థితులు, ద్రవ్యోల్భణం, అమెరికన్ డాలర్ మారకపు విలువ, సెంట్రల్ బ్యాంకుల విధానాలు ధరల కదలికలను ప్రభావితం చేస్తున్నాయి. పండుగ సీజన్ కూడా తోడు కావడంతో ధరల్లో పాజిటివ్ ట్రెండ్ కనిపించింది.

చమురు ధరల పెరుగుదల ద్రవ్యోల్భణ భయాలను పెంచుతోంది. వడ్డీ రేట్ల పెంపు హెచ్చరికలు పసిడిపై ఒత్తిడి తెస్తున్నాయి. దీంతో బంగారం ధర ఒక నిర్దిష్ట మద్దతు స్థాయిని ఏర్పరచుకోవాల్సి ఉంటుందని ఆర్థిక నిపుణులు అంటున్నారు.