బంగారం ధరలు భారీగా పడిపోయాయి; హైదరాబాద్, ఢిల్లీలో కిలో వెండి ₹2.10 లక్షలు

దీపావళి సీజన్ ముందు బంగారం, వెండి ధరలు భారీగా తగ్గాయి. శుక్రవారం మార్కెట్ ప్రారంభం కాగానే ధరలు పడిపోయాయి. కొన్ని రోజులుగా ధరలు వరుసగా తగ్గుతూ వస్తున్నాయి.

భారత బులియన్ మార్కెట్‌లో 10 గ్రాముల 24 క్యారెట్ల బంగారం ధర ₹1,42,260 వద్ద ఉంది. ఒక్క రోజే ఇది ₹1,690 తగ్గింది. 22 క్యారెట్ల ధర ₹1,30,400 వద్ద కొనసాగుతోంది. ఈరోజు ఈ రేటు ₹1,550 తగ్గింది.

హైదరాబాద్ మార్కెట్‌లోనూ బంగారం ధరలు భారీగా పడిపోయాయి. కిలో వెండి ధర ₹5,000 తగ్గి ₹2.10 లక్షలకు వచ్చింది. నిన్న ఇది ₹2.15 లక్షలుగా ఉంది. దేశ రాజధాని ఢిల్లీలోనూ కిలో వెండి ధర ₹2.10 లక్షలే ఉంది.

డాలర్ బలపడటం, అమెరికా ఫెడ్ వడ్డీ రేట్లను మార్పు లేకుండా ఉంచాలని ప్రకటించడం ధరల తగ్గుదలకు కారణాలుగా చెప్తున్నారు. పశ్చిమ ఆసియాలో యుద్ధ పరిస్థితులు, గాజాపై దాడులు, ద్రవ్యోల్బణం, డాలర్ ఎదురుగా రూపాయి పతనం కూడా ప్రభావం చూపుతున్నాయని మార్కెట్ విశ్లేషకులు చెబుతున్నారు.

బులియన్ మార్కెట్‌లో నేటికి స్తబ్దత కొనసాగుతుందని మార్కెట్ నిపుణులు చెబుతున్నారు. ధరలు మరింత తగ్గే అవకాశం ఉందని అంచనాలు వినిపిస్తున్నాయి. దీని కారణంగా కొందరు కొనుగోలుదారులు ధరలు మరింత తగ్గే వరకు వేచి చూస్తున్నారు. మరికొందరు ఇప్పుడే కొనుగోలు చేసి భద్రపరుచుకుంటున్నారు.

ధన్తేరస్, దీపావళి సమయంలో భారీగా బంగారం, వెండి కొనుగోళ్లు ఉంటాయని జ్యువెలరీ దుకాణాల యాజమాన్యం భావిస్తోంది. అందుకు కొత్త డిజైన్లతో పాటు ఆఫర్లను కూడా దుకాణాలు సిద్ధం చేశాయి.