గుజరాత్ వరదలు: కిమ్ నది పొంగి గ్రామాలు నీట మునిగాయి; సూరత్‌లో డుమాస్ బీచ్ ఆగస్ట్ 7 వరకు బంద్

గుజరాత్‌లో కురుస్తున్న భారీ వర్షాలకు కిమ్ నది ఉధృతంగా ప్రవహించడంతో సూరత్ జిల్లాలోని పలు గ్రామాలు జలదిగ్బంధమయ్యాయి. హన్సోట్, ఓల్పాడ్, మాంగ్రోల్ తాలుకాల్లోని కాథోదరా, బోలావ్, కువారాదా వంటి గ్రామాల్లో వరద నీరు ఇళ్లల్లోకి చేరింది. అనీతా గ్రామం సమీపంలోని కిమ్-ఓల్పాడ్ రాష్ట్ర రహదారి నీట మునిగి ట్రాఫిక్‌కు మూసివేయబడింది.

పోలీసులు, అగ్నిమాపక శాఖ సిబ్బంది రెస్క్యూ ఆపరేషన్లు నిర్వహిస్తున్నారు. సూరత్ మున్సిపల్ కార్పొరేషన్ ప్రభావిత ప్రాంతాల్లో ఆహార పొట్లాలు, వైద్య సదుపాయాలను అందుబాటులో ఉంచింది. పోలీసు బృందాలు 24 గంటలూ బందోబస్తు నిర్వహిస్తున్నాయి.

మరోవైపు సూరత్‌లోని ప్రఖ్యాత డుమాస్ బీచ్‌ను ప్రజల సందర్శనార్థం మూసివేశారు. భారీ వర్షాల నేపథ్యంలో సూరత్ సిటీ పోలీస్ కమిషనర్ బాబాంగ్ జమీర్ ఆదేశాలతో జులై 31 వరకు బీచ్‌ను బంద్ చేయగా, ఈ ఆంక్షలను ఇప్పుడు ఆగస్ట్ 7 వరకు పొడిగించారు.