ఖమ్మంలో షిర్డీ సాయిబాబా ఆలయంలో గురుపౌర్ణమి వేడుకలు

ఖమ్మం నగరంలోని వీడియోస్ కాలనీలో ఉన్న శ్రీ షిర్డీ సాయిబాబా ఆలయంలో గురుపౌర్ణమి (వ్యాస పౌర్ణిమ) సందర్భంగా విశేష పూజా కార్యక్రమాలు జరిగాయి. ఉదయం నుండి పంచామృత అభిషేకాలు, అర్చనలు, హారతులు కొనసాగాయి. దత్తాత్రేయ, లక్ష్మీ గణపతి స్వామి విగ్రహాలకు ప్రత్యేక పూజలు నిర్వహించారు.

మధ్యాహ్నం 12 గంటల ప్రాంతంలో సుమారు 5,000 మంది భక్తులకు అన్నప్రసాదం అందించారు. ఆలయ నిర్వాహకులు తెలిపిన వివరాల ప్రకారం, ఈ ఆలయం 17 సంవత్సరాల క్రితం నిర్మించబడింది. ప్రతి సంవత్సరం గురుపౌర్ణమి ఉత్సవాలు ఘనంగా నిర్వహించడం ఆనవాయితీగా వస్తోంది.

ఖమ్మం పట్టణంతో పాటు చుట్టుపక్కల ప్రాంతాల నుంచి కూడా పెద్ద సంఖ్యలో భక్తులు ఈ వేడుకల్లో పాల్గొన్నారు. గురుపౌర్ణమి సందర్భంగా గురువులను స్మరించుకోవడం, విద్యా-బుద్ధి ప్రాప్తి కోసం ప్రార్థించడం ఈ ఉత్సవాల ముఖ్య ఉద్దేశమని భక్తులు పేర్కొన్నారు.