శ్రీకాకుళం సమీపంలో హటకేశ్వర స్వామి ఆలయం — చరిత్ర, కొండమ్మ జాతర వివరాలు

శ్రీకాకుళం పట్టణానికి 11 కిలోమీటర్ల దూరంలో బైరసింగపురం కొండపై హటకేశ్వర స్వామి ఆలయం ఉంది. ఈ ఆలయం 11వ శతాబ్దానికి చెందినదిగా చెప్తారు.

హటకము అంటే బంగారం అని అర్థం. నారాయణప్ప అనే భక్తుడు ఇక్కడ తపస్సు చేయగా స్వామి ప్రత్యక్షమై బంగారం చేసే విద్యను ఇచ్చారని స్థలపురాణం చెప్తోంది. ఆ బంగారంతో ఆలయాన్ని నిర్మించారని చెప్తారు. అందువల్ల స్వామికి హటకేశ్వరుడు అనే పేరు వచ్చింది.

కరజాడ గ్రామానికి చెందిన కొండమ్మ ఈ ఆలయానికి సంబంధించిన మరో ప్రసిద్ధ గాథలో భాగం. ఆమె వంశీయులు ప్రతి ఏటా తమ పెరటి కొబ్బరికాయను స్వామి కళ్యాణానికి సమర్పిస్తారు.

ప్రతి ఏడాది చైత్ర శుద్ధ సప్తమి నుండి కొండమ్మ తల్లి జాతర జరుగుతుంది. ఈ జాతరకు వేలాది మంది భక్తులు వస్తారు.