ఢిల్లీలో భారీ వర్షం: ద్వారక అండర్‌పాస్, విమానాశ్రయ రహదారిపై నీరు

ఢిల్లీలో నిన్న రాత్రి నుంచి భారీ వర్షం కురుస్తోంది. ఈ వర్షం కారణంగా లోతట్టు ప్రాంతాలు జలమయమయ్యాయి. రోడ్లపై వరద నీరు చేరడంతో పలు చోట్ల ట్రాఫిక్ జామ్ ఏర్పడింది. వాహనాలు నెమ్మదిగా కదులుతున్నాయి.

తెల్లవారుజామున ఢిల్లీ ఎన్సిఆర్ ప్రాంతాల్లో కురిసిన భారీ వర్షం కారణంగా ద్వారక అండర్‌పాస్‌లో భారీగా నీరు నిలిచిపోయింది. ఈ కారణంగా ప్రయాణికులకు తీవ్ర అంతరాయం ఏర్పడింది.

దక్షిణ ఢిల్లీలో కురిసిన భారీ వర్షాలతో ఢిల్లీ విమానాశ్రయం రహదారిపై నీరు నిలిచింది. ఆఫీసులు, స్కూళ్లు, కాలేజీలకు వెళ్లేవారు ఇబ్బందులు పడుతున్నారు.