హిందూ టెంపుల్ ఆఫ్ సెయింట్ లూయిస్‌లో చండీ యాగం – వేలమంది భక్తులకు భోజన వ్యవస్థ

అమెరికాలోని సెయింట్ లూయిస్‌లో నిర్మితమవుతున్న హిందూ టెంపుల్‌లో చండీ యాగం నిర్వహిస్తున్నారు. ఈ యాగంలో వేలాది మంది భక్తులు పాల్గొంటారని నిర్వాహకులు తెలియజేశారు.

కిచెన్ కమిటీ చైర్ పల్లవి మాట్లాడుతూ ప్రతి సెషన్‌లో 1,000 నుంచి 5,000 మంది భక్తులు ఊహించగా, మొత్తం మూడు రోజుల్లో 35,000 మంది అన్నదానం పొందుతారన్నారు. మిల్క్ మైసూర్‌పాక్, కొబ్బరి బర్ఫీ, మిల్క్ కేక్ వంటి తీపిలతో పాటు అన్నం, పప్పు, సాంబారు, పెరుగు వంటి పూర్తి భోజనం సిద్ధం చేస్తున్నట్లు వివరించారు.

యాగాన్ని పురస్కరించుకుని అన్నవరం లడ్డు, తిరుపతి లడ్డు, అమ్మవారి అంతదుర్గమ్మ ప్రసాదం, శ్రీశైలం ప్రసాదాలను ప్రత్యేకంగా తీసుకువచ్చారు. శుక్రవారం నుంచి ఆదివారం వరకు జరిగే యాగం, హోమాలు, పూజల్లో అధిక సంఖ్యలో భక్తులు ఉంటారని నిర్వాహకులు అంచనా వేశారు.