హీరాకుడ్ 22 గేట్లు ఎత్తివేత; ఒడిశాలో 8 లక్షల మంది వరద ప్రభావితం

ఒడిశాలోని హీరాకుడ్ జలాశయం నుంచి 22 గేట్ల ద్వారా మహానదిలోకి భారీగా వరద నీరు విడుదల చేస్తున్నారు. దీంతో మహానది డెల్టా జిల్లాలు కటక్, పూరి, ఖుర్దా, జగత్సింగ్పూర్, కేంద్రపాడా తీవ్రంగా నష్టపోయాయి.

సాలంతి, బ్రాహ్మణి, బైతరణి నదులు పొంగడంతో ఉత్తర ఒడిశాలో 1300కి పైగా ఇళ్లు ధ్వంసమయ్యాయి. భద్రక్, జాజ్పూర్, బాలాసోర్, మయూర్భంజ్ జిల్లాలు అత్యధికంగా ప్రభావితమయ్యాయి.

రాష్ట్రవ్యాప్తంగా సుమారు 8 లక్షల మంది వరద ప్రభావితులయ్యారు. మహానది పరివాహక ప్రాంతంలోని 10 జిల్లాలను ఒడిశా ప్రభుత్వం అప్రమత్తం చేసింది.

ముఖ్యమంత్రి మోహన్ చరణ్ మాజీ మంత్రులతో కలిసి వరద ప్రాంతాలపై ఏరియల్ సర్వే నిర్వహించారు. సహాయ చర్యలు వేగవంతం చేయాలని ఆదేశించారు.

గత రెండు రోజులుగా వర్షాలు లేకపోవడంతో ఉత్తర ఒడిశాలో వరద తీవ్రత క్రమంగా తగ్గుతోందని అధికారులు తెలిపారు.