ప్రధాని మోదీ ఇచ్చిన మెలొడీ: గ్లోబల్‌గా పార్లేకు పెరిగిన డిమాండ్ – మయాంక్ షా

ఇటలీ ప్రధాని జార్జియా మెలోనీతో గత వారం జరిగిన భేటీలో ప్రధాని నరేంద్ర మోదీ మెలొడీ చాక్లెట్‌ను ఇచ్చిన ఘటన పార్లే బిస్కిట్ సంస్థకు ప్రపంచవ్యాప్తంగా గుర్తింపు తెచ్చిపెట్టింది. ఆ స్వీట్ మూమెంట్ వైరల్ కావడంతో కంపెనీకి దేశవిదేశాల నుంచి ఆర్డర్లు, ఇన్‌క్వైరీలు వచ్చాయని పార్లే సీనియర్ అధికారి మయాంక్ షా వెల్లడించారు. పార్లే సంస్థతో ఓ కార్యక్రమంలో ఆయన మాట్లాడుతూ, ”ప్రధాని మోదీ స్వదేశీ ఉత్పత్తులను ప్రోత్సహించే విషయంలో ఎప్పుడూ ప్రత్యేక శ్రద్ధ తీసుకుంటారు. విదేశీ వేదికలపై భారతీయ బ్రాండ్లను ప్రపంచానికి పరిచయం చేయడం ఆయనకు అలవాటు. మా మెలొడీ బ్రాండ్‌నూ ఆయన అదే విధంగా ప్రపంచం ముందుకు తెచ్చారు. ఇది మాకు ఒక సర్‌ప్రైజ్ లాగా వచ్చింది” అని అన్నారు. ”ఆ చిన్న జెస్చర్‌తో సోషల్ మీడియాలో మా బ్రాండ్‌పై భారీ బజ్ క్రియేట్ అయ్యింది. అప్పటి నుంచి విక్రయాలు, ఆఫ్‌టేక్ పెరిగిపోయాయి. ఈ ప్రభావం ఇప్పటికీ కొనసాగుతోంది. అంతర్జాతీయ మార్కెట్‌ల నుంచి కూడా మాకు క్వెరీలు వస్తున్నాయి. మెలొడీ భారతీయులనే కాకుండా, ప్రపంచవ్యాప్తంగా అందరికీ నచ్చుతోందనడానికి ఇదే నిదర్శనం” అని మయాంక్ షా తెలిపారు. మోదీ-మెలోనీ భేటీ సందర్భంగా ఈ స్వీట్ జెస్చర్ వార్తల్లో నిలిచింది. దీంతో స్వదేశీ చాక్లెట్ బ్రాండ్‌కు ఊహించని బూస్ట్ లభించింది. పార్లే సంస్థ ఇప్పుడు గ్లోబల్ మార్కెటింగ్ అవకాశాలను చురుకుగా పరిశీలిస్తోంది.