విభూతి ధరించే విధానం: శివారాధనలో భస్మధారణ సరైన పద్ధతి

శివారాధనలో భస్మధారణకు ప్రత్యేకమైన పద్ధతి ఉంది. చాలా మంది సరైన విధానం తెలియక అనేక రకాలుగా ధరిస్తుంటారు. స్నానం తర్వాత ప్రశాంతంగా కూర్చుని ‘ఓం నమఃశివాయ’ మంత్రాన్ని ఐదుసార్లు జపించాలి. తరువాత ఎడమ అరచేతిలో కొద్దిగా విభూతి తీసుకోవాలి. ఈ విభూతి ఆవు పేడను కాల్చి సేకరించినది అయి ఉండాలి. అరచేతిలో ఒక ఉద్ధరిణ నీరు పోసి, ఐదు కోణాల నక్షత్రం గీయాలి. ప్రతి కోణంలో ఒక అక్షరం చొప్పున ‘న’, ‘మ’, ‘ః’, ‘శి’, ‘వా’, ‘య’ (నమః శివాయ) అని రాయాలి. ఆపై రెండు చేతులతో భస్మాన్ని రుద్దుతూ మంత్రం చేయాలి.

ఇప్పుడు చూపుడు వేలు, ఉంగరం వేలు మాత్రమే ఉపయోగించి రెండు రేఖలు ఎడమ నుంచి కుడికి లాగాలి. పై గీత, కింది గీత ఉండేలా చూడాలి. మూడు వేళ్ళు పెట్టకూడదు. తర్వాత బొటన వేలితో మిగిలిన భస్మాన్ని తీసుకుని కుడి నుంచి ఎడమకు ఒక రేఖ గీయాలి. ఇలా నుదుటిపై మూడు రేఖలు ఏర్పడతాయి.

ఇంకా భుజాలు, బాహుదండలు, ముంజేతులు, వీపు, మెడ వెనుక ఇలా 14 స్థానాల్లో భస్మం అలదుకోవాలి. చివరగా చేతులు కడుక్కోవాలి. భస్మం మీద కుంకుమ వేయకూడదు; కుంకుమ భస్మం కింద వేయాలి. భస్మం మధ్యలో కుంకుమ పెడితే రజోగుణం పెరుగుతుందని పెద్దలు చెబుతారు. శుద్ధమైన భస్మం ధరిస్తే సాత్విక గుణం పెరుగుతుంది.

ఈ విధంగా భస్మధారణ చేస్తే మానసిక బలం లభిస్తుందని విశ్వాసం. ప్రాచీన కాలం నుంచీ ఈ పద్ధతిని అనుసరిస్తున్నారు.