భార్యపై అనుమానంతో కత్తితో దాడి: భర్తపై కేసు

భద్రాద్రి కొత్తగూడం జిల్లా జూలూరుపాడు మండలం గోపియా తాండాలో ఓ భర్త అనుమానంతో భార్యపై కోటకత్తితో దాడి చేసిన సంఘటన చోటుచేసుకుంది. వాంకుడో రాజేష్ అనే వ్యక్తి అర్ధరాత్రి తన భార్య రోజాతో గొడవపడి కత్తితో దాడి చేశాడు. ఈ దాడిలో రోజా కాళ్ళకు తీవ్ర గాయాలయ్యాయి. స్థానికులు స్పందించి ఆమెను కొత్తగూడెం ప్రభుత్వ ఆస్పత్రికి తరలించారు.

బాధితురాలు ఇచ్చిన ఫిర్యాదు ప్రకారం, రాజేష్ తనకు అక్రమ సంబంధం ఉందనే అనుమానంతో చాలా కాలంగా వేధిస్తున్నాడు. ఆమె తనకు, తన పిల్లలకు రక్షణ కల్పించాలని, నిందితుడిపై కఠిన చర్యలు తీసుకోవాలని పోలీసులను కోరింది.

ఈ ఘటనపై కేసు నమోదు చేసిన పోలీసులు దర్యాప్తు ప్రారంభించారు.