హైదరాబాద్ బోనాల ఉత్సవాలు ఓల్డ్‌సిటీ బోనాలతో ముగియనున్నాయి

హైదరాబాద్ బోనాల ఉత్సవాలు సోమవారం ఓల్డ్ సిటీ బోనాల జాతరతో ముగియనున్నాయి. గత నెల 16న గోల్కొండ బోనాలతో ప్రారంభమైన ఈ ఉత్సవాలు మూడు వారాల పాటు కొనసాగాయి. సోమవారం ప్రభుత్వ అధికారిక సెలవు ప్రకటించింది.

లాల్ దర్వాజా సింహవాహిని మహంకాళి ఆలయంలో భక్తుల రద్దీని దృష్టిలో ఉంచుకుని ప్రత్యేక క్యూ లైన్లు ఏర్పాటు చేశారు. ఆదివారం తెల్లవారుజామున అమ్మవారికి బలిహారణం, దేవీ అభిషేకం అనంతరం బోనాలు సమర్పిస్తారు. ఆలయాలను ప్రత్యేక విద్యుత్ కాంతులతో అలంకరించారు.

ముఖ్యమంత్రి, ఉపముఖ్యమంత్రితో పాటు పలువురు మంత్రులు అమ్మవారికి పట్టు వస్త్రాలు సమర్పించనున్నారు. శాసనమండలి చైర్మన్ గుత్త సుకందర్ రెడ్డి ఉప్పుగూడ మహంకాళి అమ్మవారికి, శాసనసభ స్పీకర్ గడ్డం ప్రసాద్ కుమార్ బీరాల మండి మహంకాలి అమ్మవారికి పట్టు వస్త్రాలు ఇవ్వనున్నారు. ఇతర మంత్రులు కూడా వివిధ ఆలయాల్లో పట్టు వస్త్రాలు సమర్పిస్తారు.

ఈ నెల 13న గోల్కొండ కోటలో జగదాంబిక మహంకాళి అమ్మవారికి తొమ్మిదో పూజ చేసి ఆషాఢ బోనాల ఉత్సవాలు ముగియనున్నాయి. పోలీసులు ట్రాఫిక్ ఆంక్షలు విధించారు. ఎలాంటి అవాంఛనీయ ఘటనలు జరగకుండా భద్రతా ఏర్పాట్లు చేశారు.