హైదరాబాద్ పాతబస్తీలో 23 ఆలయాల అమ్మవారి ఘటాల ఊరేగింపు

హైదరాబాద్‌లో ఆషాడ మాసం బోనాల ఉత్సవాల్లో భాగంగా పాతబస్తీలోని 23 ఆలయాల అమ్మవారి ఘటాల ఊరేగింపు నిర్వహించారు. శ్రీ కాశీ విశ్వనాథ స్వామి దేవాలయం నుంచి ఈ ఊరేగింపు సాగింది.

ఊరేగింపులో పోతురాజులు, శివుడు, కాళికా దేవి వేషధారణలు ప్రదర్శించారు. హైదరాబాద్ జిల్లా ఇంచార్జ్ మంత్రి పొన్నం ప్రభాకర్, ఎమ్మెల్యే బీర్ల ఐలయ్య ఈ కార్యక్రమానికి హాజరై అమ్మవారి ఘటాలకు స్వాగతం పలికారు.

మంత్రి మాట్లాడుతూ, బోనాల ఉత్సవాలు విజయవంతంగా జరగాలని, రాష్ట్రం సమృద్ధి వర్షాలు, ప్రజలకు ఆయురారోగ్యాలు కలగాలని అమ్మవారిని ప్రార్థించారు. తెలంగాణ సంప్రదాయం ప్రకారం గోల్కొండ తొలి బోనం, బల్కంపేట ఎల్లమ్మ కళ్యాణం, మహంకాళి అమ్మవారి బోనాలతో ఈ వేడుకలు కొనసాగి, తొమ్మిదో రోజు ఊరేగింపుతో ముగుస్తాయి.