హైదరాబాద్ హైటెక్ సిటీ రైల్వే స్టేషన్ వర్చువల్ ప్రారంభం

ప్రధాని నరేంద్ర మోదీ హైదరాబాద్‌లోని హైటెక్ సిటీ రైల్వే స్టేషన్‌ని వర్చువల్‌గా ప్రారంభించారు. ఈ కార్యక్రమంలో దక్షిణ మధ్య రైల్వే జనరల్ మేనేజర్ సంజయ్ కుమార్ శ్రీవాత్సవ, బీజేపీ రాష్ట్ర అధ్యక్షుడు రామచంద్రరావు పాల్గొన్నారు.

రామచంద్రరావు మాట్లాడుతూ, ప్రధాని మోదీ నేతృత్వంలో తెలంగాణకు రైల్వే బడ్జెట్‌లో రూ.4,900 కోట్లు కేటాయించారని తెలిపారు. హైటెక్ సిటీ స్టేషన్ పునరాభివృద్ధికి సుమారు రూ.26 కోట్లు వ్యయం చేశారు. స్టేషన్‌లో అత్యాధునిక వసతులు, 24 సీసీ కెమెరాలు ఏర్పాటు చేసినట్లు అధికారులు తెలిపారు.

ఈ రోజు తెలంగాణలో 41 రైల్వే స్టేషన్లను విమానాశ్రయం తరహాలో ఆధునీకరించినట్లు అధికారులు తెలిపారు. ప్రస్తుతం హైదరాబాద్ నుంచి ఐదు వందే భారత్ రైళ్లు నడుస్తున్నాయి. భవిష్యత్తులో మూడు హై-స్పీడ్ ట్రైన్లు రాబోతాయని, హైదరాబాద్ బుల్లెట్ ట్రెయిన్ హబ్‌గా మారుతుందని రామచంద్రరావు అన్నారు.