రోడ్డుపై అనాథగా తిరుగుతున్న మహిళను పోలీసులు రక్షించి చౌటుప్పల్ అమ్మ నాన్న ఆశ్రమంలో చేర్పించారు

హైదరాబాద్ కమీటీపూర పోలీస్ స్టేషన్ పరిధిలో రోడ్డు మీద అనాథగా తిరుగుతున్న ఒక మహిళను పోలీసులు రక్షించారు. ఆమెను యాదాద్రి భువనగిరి జిల్లా చౌటుప్పల్‌లోని అమ్మ నాన్న అనాథ ఆశ్రమంలో చేర్పించారు.

100 డయల్‌కు వచ్చిన కాల్ మేరకు హెడ్ కానిస్టేబుల్ రవి నాయక్, కానిస్టేబుల్ జైన్ ఫాతిమా స్పందించారు. ఇన్స్పెక్టర్ ఆదేశంతో ఆ మహిళను పోలీస్ స్టేషన్‌కు తీసుకువచ్చి బట్టలు ఇచ్చారు.

అమ్మ నాన్న ఆశ్రమం నిర్వాహకులతో ఫోన్‌లో మాట్లాడిన తర్వాత ఆమెను ఆశ్రమానికి తరలించారు. అక్కడ వైద్య పరీక్షల సమయంలో మహిళ చిన్నపిల్లలా ఏడ్చింది.

ఈ మహిళ కుటుంబ సభ్యులు ఎవరైనా ఉంటే వచ్చి ఆశ్రమం నుంచి తీసుకెళ్లాలని నిర్వాహకులు విజ్ఞప్తి చేశారు. 500 మంది అనాథలున్న ఈ ఆశ్రమానికి ప్రజలు వీలైనంత సహాయం, అన్నదానం చేయాలని కోరారు. సహాయం కోసం 9066 565 565, 9066575 575 నంబర్లను సంప్రదించవచ్చు.