ఎన్నికల నేపథ్యంలో 671 సున్నిత ప్రాంతాలను గుర్తించాం: ఐజీ రాజకుమారి

ఎన్నికల నేపథ్యంలో 671 సున్నిత ప్రాంతాలను పోలీసు శాఖ గుర్తించిందని ఐజీ రాజకుమారి తెలిపారు. ఈ ప్రాంతాల్లో అదనపు బలగాలను మోహరిస్తున్నట్లు ఆమె చెప్పారు.

గుర్తించిన అన్ని ప్రాంతాల్లో అదనపు స్ట్రైకింగ్ ఫోర్సెస్, స్పెషల్ స్ట్రైకింగ్ ఫోర్సెస్‌ను దగ్గరలో ఉంచుతున్నారు. వీడియోగ్రాఫర్లు, రూట్ మొబైల్స్ సైతం సిద్ధంగా ఉంటాయి. ఎస్పీ, అడిషనల్ ఎస్పీ, డీఎస్పీ, రిజర్వ్ ఫోర్సెస్ కూడా అక్కడే ఉంటాయి.

ఎక్కడైనా ఘటన జరిగితే వెంటనే అక్కడికి చేరుకుని పరిస్థితిని సాధారణ స్థితికి తీసుకురావడానికి ఈ బలగాలను వ్యూహాత్మకంగా మోహరిస్తున్నారు. చట్టం, శాంతిభద్రతలను కాపాడుతామని, విఘాతం కలిగిస్తే కఠిన చర్యలు తీసుకుంటామని ఐజీ హెచ్చరించారు.

ఎన్నికల బెదిరింపులకు పాల్పడే వారందరికీ పోలీసులు హెచ్చరికలు జారీ చేశారు. వారిపై బైండ్ ఓవర్ కేసులు నమోదు చేశారు. సుమారు 20 వేల కేసులు బుక్ చేసినట్లు ఐజీ రాజకుమారి తెలిపారు.