హర్మూజ్ జలసంధిలో నౌకలపై దాడులు: ఐరాసలో భారత్ తీవ్ర ఆందోళన

హర్మూజ్ జలసంధిలో వాణిజ్య నౌకలపై దాడులను భారత్ ఐక్యరాజ్య సమితిలో తీవ్రంగా ఖండించింది. ఐరాస భద్రతా మండలిలో భారత శాశ్వత ప్రతినిధి పర్వతనేని హరీష్ మాట్లాడారు.

ఈ నెలలో బిఎస్ బిఎఫ్ఎస్ గలాక్సీ, యాంటీ ఏఐ, బహియా, యాంటీ మొంబాసా నౌకలపై దాడులు జరిగాయని ఆయన తెలిపారు. ఈ దాడుల్లో పలువురు భారతీయులు గాయపడగా, ఒకరు ప్రాణాలు కోల్పోయారు.

వాణిజ్య నౌకలు, పౌర మౌలిక వసతులపై దాడులు వెంటనే నిలిపివేయాలని భారత్ డిమాండ్ చేసింది. అంతర్జాతీయ జలమార్గాల్లో స్వేచ్ఛాయుత నౌకాయానాన్ని పునరుద్ధరించాలని కోరింది.

గల్ఫ్ దేశాల్లో నివసిస్తున్న భారతీయుల భద్రత తమకు అత్యంత ప్రాధాన్యమని హరీష్ అన్నారు. బాబియల్ మాండెబ్ జలసంధి, దక్షిణ ఎర్రసముద్రం ప్రాంతాల్లో నౌకాయానాన్ని కాపాడటం ప్రపంచ దేశాల ఉమ్మడి బాధ్యత అని ఆయన పేర్కొన్నారు.