దేశంలో 22 లక్షల మంది డ్రైవర్ల కొరత, 300 డ్రైవింగ్ స్కూల్స్‌కు అనుమతి

దేశంలో నైపుణ్యం కలిగిన డ్రైవర్ల కొరత 22 లక్షలకు చేరిందని కేంద్ర ప్రభుత్వం వెల్లడించింది. ఈ కొరతను తీర్చడానికి దేశవ్యాప్తంగా డ్రైవింగ్ స్కూళ్లను ప్రారంభించేందుకు అనుమతులు ఇస్తున్నారు.

ఇప్పటికే 300 డ్రైవింగ్ స్కూళ్లకు అనుమతి మంజూరైంది. రోడ్డు ప్రమాదాల కారణంగా ప్రతి ఏటా 1 లక్ష 80 వేల మంది మరణిస్తున్నారు. వాహన ఇంజినీరింగ్, రోడ్డు నిర్మాణ లోపాలు, చట్టాల అమలు, మానవ ప్రవర్తన ఇందుకు ప్రధాన కారణాలు.

డ్రైవింగ్ శిక్షణ పెంచడం ద్వారా ఈ సమస్య పరిష్కారమవుతుందని ప్రభుత్వం భావిస్తోంది. అందుకే ప్రతి ఎంపీ తన నియోజకవర్గంలో డ్రైవింగ్ స్కూల్ ఏర్పాటుకు కృషి చేయాలని విజ్ఞప్తి చేశారు.