భారత్-ఇటలీ 'స్పెషల్ స్ట్రాటజిక్ పార్ట్నర్షిప్': వాణిజ్యం 20 బిలియన్ యూరోలకు పెంచాలని లక్ష్యం

ప్రధాని నరేంద్ర మోదీ ఇటలీ రాజధాని రోమ్‌లో ఇటలీ ప్రధాని జార్జియా మెలోనీతో ద్వైపాక్షిక చర్చలు జరిపారు. ఈ చర్చల అనంతరం ఇరు దేశాల మధ్య సంబంధాలను 'స్పెషల్ స్ట్రాటజిక్ పార్ట్నర్షిప్' స్థాయికి పెంచుతున్నట్టు ఇద్దరు నేతలూ ప్రకటించారు.

ఇరు దేశాల భాగస్వామ్యానికి దిక్సూచిగా 'భారత్-ఇటలీ జాయింట్ స్ట్రాటజిక్ యాక్షన్ ప్లాన్ 2025-29' ను మోదీ ప్రకటించారు. ఈ ప్రణాళిక నిర్దేశించిన కాలపరిమితిలో అమలు చేయబడుతుందని ఆయన తెలిపారు.

ప్రస్తుతం భారత్-ఇటలీ మధ్య ద్వైపాక్షిక వాణిజ్యం 14 బిలియన్ యూరోలుగా ఉంది. దీన్ని 2029 నాటికి 20 బిలియన్ యూరోలకు (దాదాపు ₹1,80,000 కోట్లు) పెంచాలని ఇరు దేశాలు లక్ష్యంగా నిర్దేశించుకున్నాయి. EU-భారత్ మధ్య కుదిరిన Free Trade Agreement ద్వారా ఈ లక్ష్యం సాధించవచ్చని మెలోనీ పేర్కొన్నారు.

భారతదేశంలో ప్రస్తుతం 400కి పైగా ఇటాలియన్ కంపెనీలు పెట్టుబడులు పెడుతున్నాయని మోదీ వెల్లడించారు. గత మూడేళ్లలో ఇరు నేతల మధ్య ఏడు సమావేశాలు జరిగాయని మెలోనీ చెప్పారు.

టెక్నాలజీ, పరిశోధన రంగంలో సహకారానికి 'Innovative India Initiative' ను ప్రోత్సహించాలని ఇటలీ ప్రధాని ప్రకటించారు. ఇందులో భాగంగా న్యూ ఢిల్లీలో ఒక ప్రత్యేక కేంద్రం ఏర్పాటు చేయనున్నారు. ఈ కేంద్రం ఇరు దేశాల startups, పరిశ్రమలు, విశ్వవిద్యాలయాలు, పరిశోధన సంస్థల మధ్య వారధిగా పనిచేస్తుంది.