ఇండియన్ ఆయిల్ ఎక్స్‌ప్రెస్ ఎల్పీజీ డెలివరీ పైలట్: 4 గంటల్లో సిలిండర్

ఇండియన్ ఆయిల్ కార్పొరేషన్ ఎల్పీజీ సిలిండర్‌ల కోసం ఎక్స్‌ప్రెస్ డెలివరీ సర్వీస్‌ను పైలట్ ప్రాతిపదికన ప్రారంభించింది. ఈ సర్వీస్‌ ద్వారా బుకింగ్ చేసిన 4 గంటల్లోపు సిలిండర్ డెలివరీ చేస్తామని కంపెనీ తెలిపింది.

పూణే, గురుగ్రామ్, ఇండోర్, కోయంబత్తూరు, నాగ్‌పూర్ నగరాల్లో ఆగస్టు 9 నుంచి ఈ పైలట్ సర్వీస్‌ మొదలైంది. అక్టోబర్ 9 నుంచి దేశంలోని 28 నగరాలకు ఈ సర్వీస్‌ను విస్తరిస్తామని అధికారులు ప్రకటించారు.

వినియోగదారులు ఇండియన్ ఆయిల్ వన్ యాప్, కస్టమర్ పోర్టల్ లేదా వాట్సాప్ నంబర్ 758383824కు మెసేజ్ పంపి బుకింగ్ చేసుకోవచ్చు. కొత్తగా ప్రవేశపెట్టిన ఈ సిలిండర్ తేలికైన ఫైబర్ కాంపోజిట్ మెటీరియల్‌తో తయారైందని, దీన్ని సులభంగా మోసుకెళ్లవచ్చని కంపెనీ వర్గాలు తెలిపాయి.