271 మందితో ప్రయాణిస్తున్న ఇండోనేసియా ఫెర్రీకి మంటలు; రెస్క్యూ ఆపరేషన్ కొనసాగింత

ఇండోనేషియాలోని KM ముతియారా శాంతోసా అనే ఫెర్రీ సర్వీస్ లో భారీ అగ్ని ప్రమాదం సంభవించింది. ఈ ఫెర్రీలో 271 మంది ప్రయాణికులు ఉన్నారు. సముద్రంలో ప్రయాణిస్తుండగా ఒక్కసారిగా మంటలు చెలరేగాయి. ఈ ఘటనతో ప్రయాణికులు భయంతో అరుస్తూ సహాయం కోసం ఎదురుచూశారు. సంఘటన స్థలానికి చేరుకున్న రెస్క్యూ సిబ్బంది ప్రయాణికులను రక్షించేందుకు విస్తృత ఆపరేషన్ చేపట్టారు. అధికారులు లైఫ్ జాకెట్లు, రెస్క్యూ బోట్లను ఉపయోగించి సహాయ చర్యలు చేపట్టారు. ND TV ప్రొఫిట్ ఛానల్ విడుదల చేసిన వీడియోలో రెస్క్యూ సమయంలో సిబ్బంది ప్రయాణికులతో ‘ప్రశాంతంగా ఉండండి’ అని చెప్పడం వినిపించింది. ప్రస్తుతం ఎంతమంది రక్షించబడ్డారు, ఎవరికైనా గాయాలయ్యాయా లేదా ప్రాణనష్టం జరిగిందా అనే వివరాలు ఇంకా తెలియాల్సి ఉంది. ఇండోనేసియా ఒక ద్వీప సమూహ దేశం కావడంతో ఫెర్రీలు ప్రజల ప్రధాన రవాణా సాధనంగా ఉన్నాయి. కొన్నిసార్లు రద్దీ, వాతావరణ పరిస్థితులు, భద్రతా ప్రమాణాలు పాటించకపోవడం వల్ల ఇటువంటి ప్రమాదాలు చోటు చేసుకుంటాయి. గతంలో కూడా ఇండోనేసియాలో ఫెర్రీలు మునిగిపోవడం, మంటలు చెలరేగడం వంటి ఘటనలు జరిగాయి. ఈ ప్రమాదం జరిగినప్పటికీ, రెస్క్యూ ఆపరేషన్ ఎంత త్వరగా జరిగిందో ప్రాణనష్టం తగ్గించడానికి తోడ్పడింది. అధికారులు కారణాలపై దర్యాప్తు చేస్తారని, తదుపరి చర్యలు తీసుకుంటారని భావిస్తున్నారు. ప్రపంచవ్యాప్తంగా ఫెర్రీ భద్రతపై మరోసారి చర్చ మొదలైంది.